لا تشتكــــــــــــــــــــــي للنآس لو كنت مطعـــــــــــون

من طرف عدوول الأربعاء يونيو 30, 2010 7:38 am

●•

اضحك وفلّ حجاجك اشفيك محزون
دنياك ماتسوى وخذها نصيحه..

●•

مادام مالك ميت ولا انت مديون
ارم الهموم وخل نفسك مريحه..

●•

لو كانوا اصحابك يضاهون مليون
نق الكفو منهم وخل السطيحه..

●•

ولا تشتكي للناس لوكنت مطعون ...
والذم من بعض الخلايق مديحه..

●•

ولا تنحني للهم وتعيش مغبون
ترا المريح اهل العقول الصحيحه..

●•

لاصرت صادق قالوا الناس مجنون
مايمدحون الا النفوس القبيحه..

●•

وخلك صمود بوجه الايام دندون
وما حرم الله اثم لا تستبيحه..

●•

والكبر لو به فايده فاد فرعون
ومن ذاع سرّه بشّره بالفضيحه..

●•

والله لو يعطون لك مال قارون
ماشفت نفسك بالغنى مستريحه..

●•

انفض هموم القلب وابليس ملعون
وان ضاق صدرك ارض ربي فسيحه؟!؟