المعاناه واساها والالم .. كلها في صدري واقول اني بخير

السلام عليكم ورحمه الله وبركاته


اتمنى ان القصديه تنال رضاكم
طاري الفرقا وجور المنحرم .. والشقا والهم مع ضيقه عصير
والمعاناه واساها والألم .. كلها بصدري واقول اني بخير
يوم شفت اللي موردني الندم .. قال قلبي يا جروحي ما يصير
ذاك يمشي بين قبري والهرم.. في خيالي يا عرب كنه يطير
القايد الأعلى لقوات الوهم.. والحارس الشخصي لهوجاس الضمير
والراعي الرسمي لجرحي والسقم..والحاكم الضالم علي باسوأ مصير
ليه يا دنيا بها الفرح انعدم .. والشقا والهم كالسيل الغزير
دايم الوافي بها ماينخدم .. دايم الواطي يخدمونه كثير
يوم شفتيني بهمش محتزم .. ناوي بش لو على رمل وحصير
جيتليش عاني وعنيت القدم .. واتعب انفاسي شهيقي والزفير
جيتلش والهم في قلبي بدم .. مابصم صمته بصوت مستجير
جيت لش بجروح من وقتي وهم .. وانتي زينتي الجروح بزمهرير
انتي انتي اللي قلتي لي نعم .. وقلتي قلبش في هوايه صار اسير
قلتي احلف لك واقسم لك قسم .. انك انت الخالد في قلبي الاخير
قلت انا يابنت وحيات النعم .. انش اجمل من على الدنيا يسير
وانش اروع من قمر حوله نجم .. وانش اغلى من النظر لوني ظرير
يوم شفتش وانا ابكي مبتسم .. اثرم وحظي بعد اعوج كسير
مادريت ان اليالي بتنتقم .. مني يوم ابكي وانا قدني كبير
كن دمعي وسط عيني مستلم .. في خفاره مايداقش له خفير
وكنها ذنوبي تقلي التزم .. وارجع لربك ترا وضعك خطير
يالله يارب المدينه والحرم .. ياواحد فرد صمد حي قدير
ارحم الهي عبدك اللي انظلم .. من عنا وقته وهمه يابصير
دارت بي الدنيا من القاع لقمم .. وردتني من اعلى القمم فوق الحصير