تجي منـك وترمينـي لاي انسـان.......

مـــــــوووو مـعقــوله
تجي منـك وترمينـي لاي انسـان
يلملمنـي ولا يلقـى بعيونـي غيـردمعاتـي
انا ماصدق انك انـت تنهينـي مـن الوجـدان
وترميني وانا اشـوف القبـر نـادى مسافاتـي
وكسرني الشتاء ياوليدي وانت بداخلـي دفيـان
تحملت الاسى والظيـم عشانـك يابعـد ذاتـي
وصحى بي البرد واللاهوب وانت بداخلي غفيان
تحملت السنين وقلت علـى الله تلملـم شتاتـي
انا امك ياهيــــه امـك حملتـك والعـذاب الـوان
ولدتك والالـم سكيـن يركـز داخـل لهاتـي
وانا اثناء الولاده من بكى صوتك طعنت احزان
لاني شفتك بصوتـك تنـادي كـل طموحاتـي
ومهدتك فعين وعين يشـرب حزنهـاالقـرآن
وهزيتك وكان النـور يتهزهـز مـن دعاتـي
اضمك في يديني لاتجي وتقـول انـابـردان
تركت البرد لضلوعي رح انشد رعشة شفاتـي
وزولك من ركض فيني لمست بداخلياوطـان
وتركتك تبني بمجدك علـى كتـف انكساراتـي
وتذكر يوم مدرستك صدى وكفوفنـا الحرمـان
وكانت رنته من فلـس خنقتـه لـك بشيلاتـي
كبرت وصرت بعيوني شجاعن واشهم الفرسان
وحلفت اني على عرسك لارقص كلشيباتـي
اسولف للبشر عنك اقول ولا بـه اينقصـان
رضع عز الشهامه شب طموحه فـي معاناتـي
وله شان الصقر لا لا اخذ منه الصقر له شـان
يجي مثل الوضوء لاطب حنينه فوق راحاتـي
يقولون الولد هو خان اقول وليـدي لا ماخـان
وهم يـدرون ماغطـى منامـي غيـر وناتـي
افااااااااااا وشلون تتركني يكحلني عمىالنسيان
وانت ادري في يوم الحشر جنه تحـت خطواتـي
لك الله مانطق صوتي لك الا بدعـوة الغفـران
ولكن خوفي من حزني ومن دعـوات عبراتـي
تدين اليوم ياوليـدي وباكـر للاسـف تنـدان
ويرمونك مثـل امـك وتذكـر حلـم شيباتـي
لكم ودي /عقد الجمان