شي بقلبي وحابه اقوله بخصوص النمص

من طرف luster love الأربعاء مايو 19, 2010 5:50 am

السلام عليكم ورحمة الله وبركاته

اولا انا قرآت موضوع صاير فيه نقاش حاد عن النمص والتنمص

في مغالطات وايد من البنات حبيت اعلق لكن الموضوع كان مغلق

اللي ابيه الحين اني اوصل كلامي والكلام لي ولكم على الكل ماشي

خلونا نفهم شي واحد ان الانسان مو معصوم من الخطأ

ولا كونه مو معصوم من الخطأ يعطيه الحق ان يتبجح ويكابر بالمعصيه

اللي اقصده ان الانسان لو اخطأ وهذا وارد جدا .. ما يتبجح على حكم الله لان الله ماحرم شي الا بحكمه عظيمه

خليني اتكلم في بعض التناقضات

اولا طريقة النصح لما تكون لأحد شخصيا يعني موجه لشخص ما لازم تكون على الخاص الا لو كان المراد تعميم الامر على فئه معينه بالكامل

يعني مايصير اوجه كلامي لبنت عالعامه ابهدلها على اساس انصحها

لان اداب النصيحه بالسر متى ما نصحته في العلن فضحته

يعني فشلته جدام الناس وكرهته بالنصيحه

فاللي حامل النصيحه وغرضه الخير جزاه الله كل خير لازم يحذر ان يختار كلامه بشكل محبب للناس ولا يتعصب بطريقه تزعج غيره حتى ان كانت فيها من الحق لان نفس الانسان تنفر بسرعه وتوصل ان يحب المعصيه ويعاند فيها

يعني اللي ينصح لازم ماينسى ان اساس النصيحه بالحسنى مو بالسخريه من احد لان جذي مافرقتي عن العاصيه

وشغله ثالثه الفتت انتباهي والله يشهد على اللي بقوله وابي رايكم بحياد
سواء انتي من النامصات او من المحظوظات اللي ما نمصوا في حياتهم بس هذا مايمنع ان التوبه تمحي كل الذنوب

انا بحياتي ما نمصت يعني اشقر واعرف ان اختلفوا بالتشقير

ابي اتكلم بالنقطه الحين

خالاتي كانوا ينمصون حلو؟

بعد سنين من الاطفال تابوا كلهم والتزموا نوعا ما ...

لما شافوا بنات عمي نمصوا قالت حق وحده منهم يابقره حرام !!

هذا ااسلوب؟ مثلا للنصيحه حتى لو كنتي خالتي شنو يعني

طبعا حرام اقول ان اللي جربوا النمص وتابوا يحرمون غيرهم يعيش مرحله اهما عاشوها هالكلام مو في محله بس الانسان متى يقوله لما مايكون عندج اسلوب صحيح وراقي للنصح

ياناس نفس الانسان أماره بالسوء جذاب اللي يقول غير جذي

بس مايمنع اني امتنع عن المحرمات بقدر المستطاع

بس قولوا منو هالايام ما ينمص ؟؟؟؟؟؟؟؟ اعوذ بالله

اتذكر اختي بزفافها حواجبها مو حلوه ثقيله قالت لها الحفافه اشيلهم قالت لا وقتها خالاتي ماتابوا ابتسموا اهما والحفافه بسخريه جرحت اختي للأسف

وحتى بالدوام آكو بنات يسخرون من تحريم الحف بكل حقاره منهم

ابي افهم اهي من تكون ؟ عشان تسخر من احكام الله في خلقه

وبعدين الله يعلم اللي احنا نجهله هذا بدل ماتبحثون في سبب التحريم مو للاعتراض حشا لله لكن لإدراك حب خالقنا لنا

انا اكتب هالكلام وادري اني محاسبه امام الله

لكن انتي اللي جربتي وتبتي الله بارك لج يسري ولاتعسرين بالنصيحه لان نفس الانسان تكره الشده

والرسول كان لما يخير بين أمرين كان يختار اسهلهم دامه مايغضب الله تعالى ولا في تعسير على البشر

انتي اعترضي على الحرام لان كلنا مسؤول لكن دائما الملتزم يجب ان يكون لين سمح مع الناس حتى لو العاصي تبجح فهالشي متوقع لان عارف يسوي شي غلط لكن انت التائب يجب ان ترتقي عن سفائف الامور والردود

واحب اذكر ان النفخ والعمليات والبلاوي الللي تسوونها ايضا تدخل بباب المحرمات وطبعا كلنا غافلين عنها انا عرفت حتى صبغات الشعر الملونه حرام بحرام الله يعينا على هالدنيا وزخارفها الجذابه

ولي تعليق اخير ....

اللي تقول الله جميل يحب الجمال احب اقولها

ان الله يحب الجمال الجوهري اللي داخلج بالخلق وكل مايحمله من جمال

ويحب الجمال الظاهري بالنظافه والتجمل بحدود ما أمرنا به

اما نسوي الغلط ونقول ان الله يحب الجمال مايصير هالكلام

واحب اقول ان كلنا بني آدم كلنا خطائوون

انا نفسي اتمنى تدعون لي بالهدايه مو أمور الحف لا بكل امور حياتي

وكلنا مقصرون الله يرحمنا برحمته

والحساب والعقاب من رب العالمين

وشكرا لكل من قرأ او رد على كلامي احبكم في الله والله ياخواتي

ادعوا لي